Telegram asoschisi Pavel Durovga qarshi Fransiyada ochilgan jinoyat ishi sudga kamida bir yil yoki undan ko‘proq vaqt o‘tmasdan topshirilmaydi. Bu haqda Fransiya prokuraturasi vakili Maylis de Rek maʼlum qildi. Uning so‘zlariga ko‘ra, hozircha biror kelishuv muhokama qilinayotgani yo‘q.
Boku 2024-yil 25-dekabr kuni Qozog‘istonning Aqtau shahri yaqinida «Ozarbayjon Havo Yo‘llari» (AZAL) aviakompaniyasiga tegishli yo‘lovchi samolyoti halokatga uchragani munosabati bilan Rossiyaga qarshi xalqaro sudga da’vo arizasi tayyorlamoqda. Bu haqda Ozarbayjon davlat axborot agentligi APA xabar berdi. Aviahalokat natijasida samolyot bortidagi 67 kishidan 38 nafari halok bo‘lgan, 29 nafari esa tirik qolgan edi.
Rossiya Sotsialistik Partiyasi rahbari Sergey Mironov va deputatlar migrantlarning pul o‘tkazmalari uchun boj joriy etishni taklif qildi. Mironovning Telegramdagi sahifasida qayd etilishicha, deputatlar tegishli taklif bo‘yicha qonun loyihasini tayyorlaydi va parlamentning quyi palatasiga kiritadi.
