Xabaringiz bor, mamlakatimizdagi siyosiy jarayonlar o‘zining shiddatli davriga kirib, xalq manfaatlarini yuksaltirishga qaratilgan saylovoldi kampaniyasi doirasidagi targ‘ibot-tashviqot ishlari siyosiy partiyalar tomonidan faol olib borilmoqda.
Bu jarayonda “Adolat” SDP o‘zining barqaror g‘oyalari va yangi Saylovoldi dasturi orqali xalq bilan yaqin aloqani mustahkamlab, adolat va tenglik ustuvorligini ta’minlashga qaratilgan faoliyatini yanada kuchaytiryapti.
Ayni kunlarda partiya yetakchisi Robaxon Mahmudovaning hududlarda bo‘lib, tibbiyot va ta’lim sohasi vakillari hamda saylovchilar bilan muntazam o‘tkazayotgan uchrashuvlari bunga yorqin misoldir.
Partiyaning asosiy maqsadi — har bir fuqaroning manfaatlarini himoya qilish ekanidan kelib chiqilsa, bu uchrashuvlar fuqarolar bilan to‘g‘ridan to‘g‘ri muloqot qilish, ularning muammo va takliflarini o‘rganish imkonini beradi.
Eng muhimi, shu orqali partiya aholi bilan yaqin aloqa o‘rnatish, ularning haqiqiy ehtiyojlariga asoslangan qarorlarni qabul qilishida yordam beradi. Fuqarolarning fikr va takliflari partiyaning siyosatini samarali shakllantirishda muhim ahamiyatga ega. Partiyaning asosiy maqsadi — har bir fuqaroning manfaatlarini himoya qilish va ularning hayotini yaxshilashdir.
Mazkur ustuvor reja va maqsadlar doirasida Qoraqalpog‘iston Respublikasida Siyosiy Kengash raisining saylovchilar bilan bo‘lib o‘tgan uchrashuvi ta’lim va tibbiyot sohalari vakillariga bag‘ishlangani ham bejiz emas.
Chunki partiya faollari, elektorat vakillarining muammolari va takliflari bilan ishlash, fikrlarini tinglashga jamiyat ravnaqining asosiy mezoni sifatida qaraydi.