Bugun erta tongda Toshkent shahridagi markaziy ko‘chalardan birida Cobalt va Nexia-3 ishtirokida YTH sodir bo‘lgani va Nexia-3 yonib ketgani aks etgan video ijtimoiy tarmoqlarga sizdirildi.
Ushbu holat yuzasidan Toshkent shahar FVB Matbuot xizmati ma’lumot berdi.
Bugun, 5-oktyabr kuni soat 06:05 da Toshkent shahar Mirobod tumani, Oybek va Shaxrisabz ko‘chalari chorraxasida, yo‘l-transport hodisasi sodir bo‘lishi natijasida, avtomobilda yong‘in kelib chiqqan.
Yong‘in-qutqaruv tehnikalari voqea sodir bo‘lgan joyga soat 06:11 da yetib borib, yong‘in soat 06:12 da o‘chirilgan. Yong‘in oqibatida halok bo‘lgan va jabrlanganlar yo‘q.
