Qozog‘istonda magnit yutib yuborgan 3 yoshli bola vafot etdi

Ma’lum qilinishicha, hodisa iyul oyi boshida Rudniy shahrida kuzatilgan. Uni bolalar shifoxonasiga olib borishgan, biroq bola bir necha kun o‘tib vafot etgan. Marhumni operatsiya qilgan shifokorlarga nisbatan jinoiy ish qo‘zg‘atilgan. Bola oilasining advokati Damir Xamitov ma’lumotni tasdiqlagan.

Komissiya diagnostika va davolashning klinik protokollarida tibbiy xato, yirik jarrohlik amaliyotiga yetarli tayyorgarlik ko‘rilmaganini aniqlagan. Bu esa sepsis va DVS-sindromi bilan kechuvchi septik shok, o‘tkir respirator distress sindromi, bosh miya shishining rivojlanishiga olib kelgan. 20-sentyabr kuni jinoyat ishi Qo‘stanaydagi Shimoliy politsiya bo‘limida tergov ishlari reyestriga kiritilgan.