Mahalla ichida harakatlangan Spark yo‘l chetida to‘xtab turgan Epica bilan to‘qnashdi. Natijada, ikki avtomobilda ham yong‘in chiqdi.
Ijtimoiy tarmoqda Toshkentda ikki mashina yonib ketgani aks etgan video tarqalgandi. Ushbu holat yuzasidan FVB ma’lumot berdi.
Qayd etilishicha, 24 noyabr kuni soat 23:58 da Toshkent shahar Mirzo Ulug‘bek tumani Sho‘rtepa 2-tor ko‘chasida avtomobil yonayotgani haqida Toshkent shahar FVBga xabar tushgan.
Shunga ko‘ra, yong‘in-qutqaruv texnikalari aytilgan manzilga soat 00:03 da yetib borib, yong‘in soat 00:07 da o‘chirilgan.
"Yong‘in oqibatida halok bo‘lgan va jabrlanganlar yo‘q. Hozirda yong‘in sababi va keltirilgan moddiy zarar miqdori aniqlanmoqda", — deyiladi xabarda.
