AQSh vizasini olish uchun ijtimoiy tarmoqlardagi profillaringizni ochiq holatga o‘tkazishingiz talab etiladi

21-06-2025 09:14

AQShning F, M va J turdagi noimmigrasion vizasiga (talaba va ta’limga oid vizalar) ariza beruvchilardan o‘z shaxsini aniqlash va mamlakatga kirish huquqini baholash uchun barcha ijtimoiy tarmoqlardagi profillarini “ochiq” holatga o‘tkazish talab etiladi. (https://t.me/USAUzbekistan/4705) Ya’ni qulfdan chiqarib qo‘yish kerak bo‘ladi.

https://storage.pro-data.tech/protsess/9526ae33-b158-4c15-ab26-8507eddd8d4a-96b07041-27fd-42da-bd4b-4286147e44a2.webp

Viza arizalari tekshiruvida, milliy xavfsizlikka tahdid soluvchi shaxslarni aniqlash maqsadida, 2019-yildan beri arizachilardan so‘nggi 5-yilda foydalanilgan ijtimoiy tarmoqlardagi barcha nom va taxalluslarini DS-160 shaklida ko‘rsatish so‘raladi.

Ma’lumotni to‘liq va to‘g‘ri ko‘rsatmaslik — vizadan rad etilish hamda kelgusida viza olish huquqidan mahrum bo‘lishga olib kelishi mumkin.