Iordaniya sudi mamlakat parlamentining sobiq deputati Imad al-Aduonni 10 yilga hukm qildi. U qurollarni Iordan daryosining g‘arbiy sohiliga olib o‘tgan, deb xabar beradi Kazinform agentligi muxbiri.
Isroil chegarachilari deputatni 2023-yil aprelida “Qirol Husayn ko‘prigi” deb nomlanuvchi Allenbi chegara punktida kontrabanda oltin va qurollar bilan hibsga olishgan. Iordaniyalik deputatning mashinasidan u Falastinga yetkazmoqchi bo‘lgan 137 dona o‘qotar qurol topildi.
Tergov davomida ma’lum bo‘lishicha, sobiq deputat 2022 yil fevralidan buyon diplomatik pasportidan foydalangan holda 12 marotaba kontrabanda amaliyotini amalga oshirgan. Al-Aduon qurollardan tashqari hayvonlar, qushlar, elektron sigaretalar va oltinlarni G‘arbiy Sohilga olib o‘tgan.
Isroilda hibsga olinganidan ko‘p o‘tmay, u Iordaniyaga ekstraditsiya qilindi. Iordaniya Davlat xavfsizlik sudi prokurori sobiq deputatga qarshi ayblov e’lon qildi.
