Ispaniyaning amaldagi chempioni “Real” joriy mavsumda yuzaga kelayotgan muammolarni inobatga olgan holda, yozda bir necha muhim transferlarni amalga oshirishni rejalashtirmoqda.
AS nashrining ma’lum qilishicha, madridliklar mavsum yakunlanganidan keyin himoyachi chizig‘iga uch nafar va hujumga bir o‘yinchi oladigan bo‘lyapti.
“Real” mutasaddilari taklif etiladigan futbolchilar ro‘yxatini ham shakllantirib qo‘ygan. Xususan, himoya chizig‘iga “Liverpul” o‘ng qanot himoyachisi Trent Aleksander-Arnold, “Bavariya” chap qanot himoyachisi Alfonso Devis va “Bayer”ning markaziy himoyachisi Jonatan Tani olib kelishga urinish bo‘ladi.
Madridliklar jamoaning hujumkorligi “Bayer” yulduzi Florian Virs yordamida kuchaytirishni mo‘ljallayapti.
.png&w=3840&q=75)
