Ronaldu eng nufuzli mukofotni qo‘lga kiritdi

Kecha Portugaliya futbol federatsiyasi (FFP) tomonidan tashkil etilgan "Quinas de Ouro" mukofotlarini topshirish marosimi bo‘lib o‘tdi. "Al-Nasr" va Portugaliya terma jamoasining hujumchisi eng nufuzli - "Quinas de Platina" sovrinini qo‘lga kiritdi.

- "Quinas de Platina" - eng nufuzli mukofot hisoblanadi. Men barcha portugaliyaliklarning fikrini ifodalab, bunga Krishtianu Ronaldu loyiq ekanligini ayta olaman.

Men faqatgina Krishtianuning o‘zini bag‘ishlagan barcha ishlari uchun, terma jamoaga va eng avvalo Portugaliyaga bo‘lgan muhabbati uchun minnatdorchilik bildirmoqchiman. Tabriklayman, - dedi prezident Fernandu Gomesh.