Samarqand viloyatida «Yutong» rusmli yo‘lovchi avtobusi traktor tirkamasi bilan to‘qnashdi. Bu haqda viloyat YHXB axborot xizmati xabar qildi.
Qayd etilishicha, hodisa kecha, 30-oktyabr kuni soat 21:00 larda Narpay tumani Didan MFY hududidan o‘tuvchi M-37 Samarqand-Buxoro-Turkmanboshi avtomobil yo‘lining 115-kilometrida sodir bo‘lgan.
Unda «Yutong» rusmli yo‘lovchi avtobusi haydovchisi Samarqand-Buxoro yo‘nalishida harakatlanib kelib, yo‘lning belgilangan qismidan qayrilib olayotgan, o‘zi bilan bir yo‘nalishda ketayotgan TTZ 80.1 rusumli traktorining tirkamasiga borib urilgan.
Hodisa oqibatda avtobus yo‘lovchisi tan jarohati olib, shifoxonaga yotqizilgan.
Hozirgi kunda mazkur holat yuzasidan Narpay tumani IIB YHXB tomonidan dastlabki surishtiruv ishlari olib borilmoqda.
