Samarqand tumanida yong‘in sodir bo‘ldi, deb xabar bermoqda viloyat Faqulodda vaziyatlar boshqarmasi.
Xabarda aytilishicha, tumandagi bugun soat 9:04'da "G‘alaba" ko‘chasidagi do‘konlardan birida yong‘in sodir bo‘lgan.
Boshqarmaning qo‘shimcha qilishicha, yong‘inni o‘chirish uchun 3 o‘t o‘chirish va qutqaruv brigadasi voqea joyiga yetib borgan va yarim soatda olovni o‘chirishgan. Yong‘in natijasida do‘konning shift qismi va tom qoplamasi, shuningdek, bir qancha tovarlar zarar ko‘rgan.
Bundan tashqari, mazkur voqea natijasida jabrlanganlar yo‘qligi va yong‘in sabablari aniqlanayotgani ma’lum qilingan.
