Rheinmetall mudofaa konserni rahbari "Yevropani Ukraina bo‘yicha muzokaralarda “bolalar stoliga” o‘tqazib qo‘yishgani" haqida gapirdi.
Financial Times nashri yozishicha, Armin Papperger Myunxen xavfsizlik konferensiyasida bo‘lib o‘tgan Ukrainadagi tinchlik muzokaralariga taklif etilmagani uchun Yevropa davlatlarining o‘zlari aybdor ekanini ta’kidlagan. Unga ko‘ra, buning sababi YeI davlatlarining mudofaa sohasini “o‘n yillar davomida” yetarlicha moliyalashtirmaganidir. "Shuning uchun ularni “bolalar stoliga” o‘tqazib qo‘yishdi", — deydi Papperger.
"AQSH Rossiya bilan muzokara olib bormoqda, bunda biron bir yevropalik muzokara stolida o‘tirgani yo‘q. Yevropaliklarni kichkina bolacha o‘rnida ko‘rishayotgani tobora oydinlashib bormoqda", — degan Rheinmetall rahbari Myunxen konferensiyasi doirasida.
Uning ta’kidlashicha, hozirda Yevropa va Ukraina omborlarida qurol deyarli qolmagan. Shu bilan birga, u Ukrainadagi urush tugagan taqdirda ham Yevropa mintaqasida qurol-yaroqqa bo‘lgan talab yuqori bo‘lib qolishini aytgan.
"Agar biz, urush nihoyasiga yetgach, bizni tinch va barqaror kelajak kutyapti, deb o‘ylayotgan bo‘lsak, qattiq adashayotgan bo‘lamiz", — dedi Papperger.
