NATOning sobiq bosh kotibi Yens Stoltenberg Norvegiyaning yangi moliya vaziri bo‘ldi.
Yevropa matbuoti xabarlariga ko‘ra, uning ismi-sharimi Norvegiya bosh vaziri Yonas Gar Store taklif qilgan yangi vazirlar kabinetiga kiritilgan.
Stoltenbergning o‘zi moliya vazirligiga rahbarlik qilish taklifini qabul qilganini tasdiqladi.
Yens 2000-yildan 2001-yilgacha va 2005-yildan 2013-yilgacha Norvegiya bosh vaziri bo‘lgan. U 2014-yilda NATO bosh kotibi lavozimini egallagan va roppa-rosa 10 yil bu lavozimda ishlagan. Uning vakolati Ukrainadagi voqealar tufayli uzaytirildi. Stoltenberg 2022-yilda NATOni tark etib, Norvegiya Markaziy bankini boshqargan.
Norvegiya hukumatidagi o‘zgarishlar yanvar oyi oxirida Markaz partiyasi Ishchilar partiyasi bilan koalisiyadan chiqishini e’lon qilganidan keyin boshlandi.
Markaz partiyasi rahbari Trigve Vedum moliya vaziri lavozimini tark etdi va uning o‘rniga Y. Stoltenberg keldi.
Endi Norvegiya hukumati so‘nggi 25 yil ichida birinchi marta to‘liq Ishchilar partiyasi vakillaridan iborat bo‘ladi.
