Suriyaning yangi hukumati Rossiyadan Bashar Asadni talab qilmoqda
30.01.2025 14:26
Damashq shahrida bo‘lib o‘tgan muzokaralarda Suriyaning amaldagi rahbari Ahmad ash-Shar’a Rossiyadan sobiq prezident Bashar Asadni topshirishni talab qildi. Bu haqda Reuters agentligi xabar berdi.
28-yanvar kuni Suriya poytaxtida bo‘lib o‘tgan muzokaralarda Rossiya nomidan mamlakat tashqi ishlar vaziri o‘rinbosari Mixail Bogdanov qatnashgan.
Suriyaning yangi rahbariyati Moskvadan o‘tmishdagi xatolarni tan olish va tovon to‘lashni talab qilgan. Rossiya delegatsiyasi buni rad etgan.
Muzokaralarda Rossiyaning Tartus va Xmeymimdagi harbiy bazalari taqdiri ham muhokama etilgan.
Tomonlar ziddiyatli masalalarda bir to‘xtamga kelmagan. Faqat muzokaralarni davom ettirishga kelishib olishgan.
