30-31-yanvar kunlari O‘zbekiston Bosh vaziri Abdulla Aripov amaliy tashrif bilan Olmaota shahrida bo‘ladi.
Bu haqda O‘zbekiston Bosh vazirining matbuot kotibi Bekzod Hidoyatov o‘zining Telegram kanalida ma’lum qildi.
O‘zbekiston Bosh vazirining Qozog‘istonga tashrifi dasturida Yevroosiyo hukumatlararo kengashi majlisida kuzatuvchi sifatida ishtirok etish, “Digital Almaty 2025” xalqaro raqamli forumining yalpi majlisida nutq so‘zlash, shuningdek, bir qator mamlakatlar hukumatlari rahbarlari bilan ikki tomonlama uchrashuvlar o‘tkazish ko‘zda tutilgan.
