Jarayon bugun, 18-fevral kuni bo‘lib o‘tishi kutilyapti. Unda AQSH davlat kotibi va Rossiya TIV rahbari qatnashishi aytilmoqda.
Bugun, 18-fevral kuni Saudiya Arabistonida Rossiya va AQSH delegatsiyalarining uchrashuvi bo‘lib o‘tadi, deya xabar bermoqda Amerika va Rossiya OAVlari. Bu haqda Axios portali va "Kommersant" gazetasi xabar berdi.
Uchrashuvda Amerika tomonidan Davlat kotibi Marko Rubio, milliy xavfsizlik bo‘yicha maslahatchi Maykl Uols va Yaqin Sharq bo‘yicha maxsus elchi Stiv Vitkoff ishtirok etishi kutilmoqda.
Vitkoff avvalroq Fox News telekanaliga Uols bilan yakshanba kuni kechqurun Saudiya Arabistoniga borishini aytgan edi. Rubio u yerga dushanba kuni Isroildan keladi.
Rossiya delegatsiyasiga kim rahbarlik qilishi rasman e’lon qilinmagan, biroq OAV manbalari bu Rossiya tashqi ishlar vaziri Sergey Lavrov bo‘lishi mumkinligini yozmoqda.
Muzokaralarda Rossiya prezidenti yordamchisi Yuriy Ushakov va Tashqi razvedka xizmati direktori Sergey Narishkin ham ishtirok etishi mumkin.
.webp&w=3840&q=75)
.webp&w=3840&q=75)
