02.11.2024 11:55
Bu haqda AQSh prezidentligiga Respublikachilar partiyasidan nomzod Donald Tramp Fox News telekanalida efirga uzatilgan Miluokidagi saylovoldi tashviqoti chog‘ida aytib o‘tdi.
“Harris Rossiya yoki Xitoy bilan yadro urushi haqida gaplashishiga ishonasizmi? Men bunday deb o‘ylamayman. Bizni iqtisodiy inqirozdan olib chiqishga ishonasizmi? Men bunday deb o‘ylamayman”, — dedi Tramp.
AQShning sobiq prezidenti “o‘ta zaif va qobiliyatsiz, IQ darajasi nihoyatda past bo‘lgan odamga” ulkan kuch berishni o‘ta xavfli deb bilishini qo‘shimcha qildi.
Avvalroq Vengriya bosh vaziri Viktor Orban Donald Tramp Rossiyani tushunishi va Ukrainada tinchlik o‘rnatish uchun muzokaralar olib borishga qodir ekanini aytgan edi. Vengriya rahbari bu uning fikri va ayni paytda umidi ekanligini ta'kidladi.
