Janubiy Koreya xorijliklar uchun yangi tizim joriy etdi

Janubiy Koreya adliya vazirligi xabariga ko‘ra, E-Arrival kartasi (elektron kelish kartasi/immigratsiya kartasi) deb nomlangan yangi elektron karta ro‘yxatdan o‘tish vaqtini qisqartiradi va aeroportlarda tirbandlikni yengillashtiradi. Bu, bir tomondan, sayyohlarni jalb qilishga yordam beradi, deya qayd etdi departament.

Ilgari Janubiy Koreyaga qisqa muddatli tashriflar, jumladan turizm uchun kelgan xorijliklar aeroportda immigratsiya kartalarini qog‘oz bilan to‘ldirishlari shart edi.

Vazirlik chalkashliklarga yo‘l qo‘ymaslik uchun yil oxirigacha qog‘oz tizimini yangi elektron tizim bilan saqlashni rejalashtirmoqda.