Braziliyadagi shahar yo‘q bo‘lib ketishi mumkin

So‘nggi haftalarda kuchli yomg‘ir va ko‘chkilar tufayli yer yuzasida bir necha o‘n metrgacha chuqurliklar hosil bo‘lgan. Shu sababli mahalliy hokimiyat favqulodda holat e’lon qildi. Bu haqda Reuters xabar bermoqda.

Hozirda taxminan 1200 nafar kishi yashaydigan uylar qulashi xavfi ostida, shaharning umumiy aholisi esa 55 000 kishini tashkil qiladi. Shahar hokimiyati tomonidan shu oyda qabul qilingan qarorga ko‘ra, yerdagi yoriq va chuqurliklar so‘nggi oylarda jadallik bilan o‘sib, turar-joy hududiga yaqinlashib qolgan. Hatto ayrim binolar allaqachon vayron bo‘lgan.

Buritikupuda «vosoroka» deb ataluvchi chuqurliklar hosil bo‘lishi muammosi so‘nggi o‘ttiz yildan beri mavjud. Yomg‘irlar ta’sirida qumtosh qatlamlari yumshab, yer ustuvorligini yo‘qotmoqda. Shuningdek, nazoratsiz qurilish va o‘rmonlarni kesish jarayoni ham bu holatni yanada kuchaytirgan.

Federal Maranyan universiteti geografi va professori Marselin Fariasning ta’kidlashicha, bunday jarayonlar ayniqsa kuchli yomg‘irlar mavsumida tezlashadi. Agar bu holat davom etsa, Buritikupu shahri 20–30 yil ichida to‘liq yo‘q bo‘lib ketishi mumkin.