Bugun Nursulton Ro‘ziboyev navbatdagi jangini o‘tkazadi

UFC Fight Night 252 oqshomi ishtirokchilari rasmiy tarozidan o‘tishdi. Turnirning asosiy jangi o‘ta yengil vazn toifasida – ikki vaznda sobiq UFC chempioni Genri Sexudo hamda Song Yadong o‘rtasida o‘tkaziladi. Sexudo tarozida raqibidan biroz yengilroq vazn qayd etgan. 

Ahamiyatlisi, o‘zbekistonlik jangchi Nursulton Ro‘ziboyev ham uzoq muddatli tanaffusdan keyin ushbu turnirda oktagonga ko‘tariladi. Aralash yakkakurash ustasi Qo‘shma Shtatlar nomidan chiquvchi Erik Makkoniko (musobaqadagi dastlabki jangi) bilan hisob-kitob qiladi. Ikki raqib tarozida bir xil 83,46 kg vazn ko‘rsatishdi.