Qahramonimiz Bruneydagi hukmron Bolkiax sulolasining a’zosi bo‘lib, uning otasi Bruney shahzodasi, amakisi esa hozirgi vaqtda Bruney sultoni hisoblanadi.
Faik Jefri Bolkiax va marhum Yelizabeta II
Ayni paytda Tailand Premyer-ligasining «Chonburi» klubi safida to‘p surayotgan 24 yoshli Faikning umumiy boyligi 20 milliard dollarga yaqin summani tashkil etadi.
Yana bir e’tiborli jihati, qahramonimiz Angliyaning nomdor klublari «Chelsi», «Arsenal», «Lester» va «Sautgempton» safida umumiy 4 yil to‘p surgan. Faqat asosiy jamoa tarkibiga kira olmagan.
«Lester» safidagi o‘yinlarning biri
Faik Jefri Bolkiax – «Lester» futbolchisi
«Chelsi» bilan shartnoma imzolayotgan Bolkiax
«Tumanli Albion»dagi ishlari yurishmagach Faik Portugaliyaning Ronaldu tug‘ilgan Madeyra orollari jamoasi «Maritimu» safiga borib qo‘shiladi. Lekin afsuski bruneylik milliarder futbolchi u yerda ham birorta o‘yinda maydonga tusha olmadi.
Bolkiax «Maritimu» safida
Shundan so‘ng u o‘z baxtini Tailand Chempionatidan izladi va musobaqa jadvalining 3-o‘rnida borayotgan «Chonburi» klubi bilan shartnoma imzoladi.
Bolkiax «Chonburi» safida
2023-yilning yozida bruneylik futbolchi Tailandning boshqa klubi — "Ratchaburi" safiga borib qo‘shildi. U yerda o‘tgan mavsum qahramonimiz 2 ta gol urdi, ammo oyog‘ini sindirib ham oldi. Jamoasi esa chempionatni oltinchi o‘rinda yakunladi. Bolkiax 2024-yil fevralidan beri jarohat sabab maydonga tushmadi. Uning amaldagi shartnomasi 2025-yil yozida tugaydi.
Xulosa qilib aytganda, biz e’tibor qaratmoqchi bo‘lgan jihat shundaki, Faik Jefri Bolkiaxning badavlat oiladan bo‘lishiga qaramay, futbolga bo‘lgan mehri tufayli turli chempionatlarda to‘p surib kelmoqda. Ehtimol, uning o‘rnida boshqa odam bo‘lganida hashamatli hayotni afzal ko‘rib, sportdan ancha yiroqda bo‘lishi ham mumkin edi. Ammo qahramonimiz orzulari yo‘lidan qaytmagani e’tiborga loyiq.
Ha, futbol har tomonlama millionlar va milliardlar o‘yini. Bunga aslo shubha yo‘q!
.png&w=3840&q=75)
.jpg&w=3840&q=75)