Shikoyatlarda “prezident firibgarlik qilgani” va uni qonunbuzarlik, fitna va boshqa jinoyatlarda ayblagani aytiladi.
Ijtimoiy tarmoqlarda kriptovalyutalarning firibgarlik sxemasini targ‘ib qilganlik uchun Argentina prezidenti Xavyer Mileyga qarshi 100 dan ortiq da’vo arizalari topshirildi. Ishlarni ko‘rib chiqish uchun prokuror Eduardo Tayano va sudya Mariya Cyervini tayinlangan.
14-fevral kuni Miley X tarmog‘ida kriptovalyuta orqali Argentinadagi kichik biznesga sarmoyalarni jalb qilishga yordam beradigan loyiha haqida ma’lumot e’lon qildi. Ijtimoiy tarmoqlarda tanqidga uchragach, prezident loyiha tafsilotlaridan xabardor emasligini aytib, postni o‘chirib tashladi.
Biroq 15-fevral kuni prezident idorasi tarqatgan bayonotda aytilishicha, Miley loyihani muhokama qilish uchun loyihaga aloqador odamlar bilan kamida ikki marta uchrashgan.
Prezidentning birinchi bayonoti bilan bir vaqtda ishga tushgan loyihada foydalanilgan kriptovalyuta narxi 5 dollargacha ko‘tarilgan, keyin pasayib, 1 dollardan ham pastga tushdi.
Kriptovalyuta egalari qisqa vaqt ichida millionlab dollar ishlab oldi. Prezidentning bayonotidan keyin muxolifat uni turli jinoyatlarda, jumladan, beparvolik, pul yuvish, davlat xizmatchisiga to‘g‘ri kelmaydigan harakatlarda ayblay boshladi. “Vatan uchun ittifoq” partiyasidan bir guruh deputatlar Mileyga qarshi impichment e’lon qilishni tavsiya etishlarini aytishdi.
.webp&w=3840&q=75)
