Prokurorlar Ilon Mask va Donald Trampni sudga berdi

Bosh prokurorlarning ta’kidlashicha, Tramp Kongressning roziligisiz DOGE norasmiy hukumat agentligini tashkil etib, Senatdagi eshituvlarsiz Maskka keng vakolatlar berib, Konstitutsiyaning tayinlash to‘g‘risidagi qoidasini buzgan.

Da’vo arizasi bergan shtatlar Ilon Maskka davlat mablag‘larini o‘zgartirish, federal xizmatchilar bilan shartnomalarni bekor qilish va boshqalarni taqiqlovchi sud qaroriga erishmoqchi.

Oq uy matbuot kotibi Kerolin Livitt da’voni "prezident Trampga qarshi odil sudlovdan qurol sifatida foydalanishda davom etish" deb atadi.

Ushbu da’vo hozircha DOGE bo‘yicha Tramp ma’muriyatiga qarshi da’volar seriyasining oxirgisi hisoblanadi. Payshanba kuni bir guruh davlat xizmatchilari da’vo arizasi bilan murojaat qilib, Ilon Mask va DOGE'ga maxfiy ma’lumotlarga kirishni taqiqlashni va uni "AQSH Konstitutsiyasiga muvofiq Maskning tayinlanishi to‘g‘ri tasdiqlanmaguncha" federal xizmatchilarni ishdan bo‘shatish huquqidan mahrum qilishni talab qildi.