O‘tgan yilda rekord darajada ko‘p jurnalist halok bo‘lgan
14.02.2025 17:46
Jurnalistlarni himoya qilish qo‘mitasi (JZJ) hisobotiga ko‘ra, 2024-yilda dunyoning turli mamlakatlarida 124 nafar jurnalist halok bo‘lgan – bu so‘nggi 30 yil ichida qayd etilgan eng yuqori ko‘rsatkichdir.
Ularning uchdan ikki qismi (85 kishi) Falastin-Isroil mojarosi kuchayishi chog‘ida halok bo‘lgan falastinlik OAV xodimlaridir. 2023-yilda Isroil va Falastin hududlarida 78 nafar matbuot xodimi o‘limi qayd etilgan edi.
Tashkilotning ta’kidlashicha, so‘nggi besh yil ichida dunyodagi qurolli va boshqa mojarolar soni ikki baravarga oshdi, bu esa ayniqsa Sudan, Pokiston va Myanmada jurnalistlar orasidagi qurbonlar sonining ortishiga olib keldi.
Eslatib o‘tamiz, 2024-yilgacha OAV uchun eng qonli yil 2007-yil bo‘lib, o‘sha paytda Iroqda qurolli mojaro haqida xabar bergan o‘nlab jurnalistlar halok bo‘lgan edi.
Hisobotda alohida qayd etilishicha, kamida 24 nafar jurnalist o‘z kasbiy faoliyati tufayli ataylab o‘ldirilgan, ulardan 10 tasi Gʻazo sektori va Livanda qayd etilgan. JZJ, shuningdek, OAV xodimlari ataylab o‘ldirilganiga shubha qilingan 20 ta hodisani tergov qilmoqda.
.webp&w=3840&q=75)
