Mamlakatning bir qator badavlat kishilariga Gvido Krozetto va uning sheriklari qo‘ng‘iroq qilib, Gonkongdagi bank hisobiga taxminan bir million yevro o‘tkazishni
so‘rashdi. Bu pul Yaqin Sharqda o‘g‘irlab ketilgan italiyalik jurnalistlarni ozod qilish uchun to‘lash kerak, degan bahona bilan so‘ralgan.
Milan prokuraturasi tergov ishlarini olib bormoqda.Krozettoning o‘zi X saytidagi postida "absurd" deb atagan voqea seshanba kuni boshlangan.
- Shaxsan tanimaydigan taniqli tadbirkor menga murojaat qilmoqchi ekanligini aytdi. Telefon suhbati chog‘ida u avvalroq men, keyin esa general bilan bog‘langanini va bu “general” taqdim etgan hisob raqamiga juda katta miqdorda pul o‘tkazganini aytdi, — deb yozgan Krozetto.
Krozetto bu haqda polisiyaga xabar berdi va karabinerlar firibgarlarning qurboniga aylangan tadbirkorning arizasini qabul qildi.
Vazir aytganidek, ertasi kuni ham xuddi shunday holat yuz berdi va uning ertasiga firibgarlar o‘zlarini Gvido Krozetto deb tanishtirib, yana ikki yirik tadbirkorning pullarini olmoqchi bo‘lishdi.
Soxta vazirdan qo‘ng‘iroq qabul qilganlar ro‘yxatida Pirelli rahbari Marko Tronketti Provera, yirik investor Diyego Della Valle, dizayner Jorjio Armani, Prada bosh direktori Patrisio Bertelli, Ray Ban va Oakley asoschisi Del Vekkьo va qurilish magnati Franchesko Kaltadjirone oilalari, shuningdek, «Inter»ning sobiq prezidenti Massimo Morattilar bor.
Firibgarlar telefon qo‘ng‘iroqlari paytida sun’iy intellekt asosida ishlaydigan ovozli filtrdan foydalanganmi yoki mudofaa vazirining soxta ovozi bilan audioxabar yozib olganmi, hozircha noma’lum.
Kiberjinoyatchilarni aniqlash uchun tergovchilar firibgarlar tomonidan taqdim etilgan bank hisob raqamlariga kiritilgan mablag‘lar qayerga ketganini aniqlashga harakat qilmoqda.
.webp&w=3840&q=75)
