Tramp HAMASga jiddiy talab qo‘ydi

РИА Новости'ning yozishicha, dushanba kuni ertalab Falastinning HAMAS harakatining harbiy qanoti vakili Abu Ubeyda guruh «Isroil kelishuvga rioya qilmayotgani» sababli shanba kuni rejalashtirilgan garovga olinganlarni ozod qilishni kechiktirishga qaror qilganini ma’lum qilgandi. Isroil tomonidan sodir etilgan qonunbuzarliklar orasida Ubeyda ko‘chirilganlarning Gʻazo sektori shimoliga qaytishi kechikayotganini va Falastin anklaviga gumanitar yordam yetkazilishi bilan bog‘liq muammolarni qayd etdi.

Shu yilning 19-yanvardan beri Gʻazo sektorida Isroil va HAMAS o‘rtasida Isroil qamoqxonalaridagi falastinlik mahbuslar evaziga isroillik garovga olinganlarni ozod qilish bo‘yicha erishilgan kelishuv doirasida sulh amalda.

Kelishuvning birinchi bosqichi doirasida allaqachon beshta almashinuv amalga oshirildi. Shu tariqa, Isroil 21 nafar garovdagini, jumladan besh nafar Tailand fuqarosini qaytarishga muvaffaq bo‘ldi. Gʻazoda hamon 76 nafar garovga olingan qolayotgani, ularning yarmiga yaqini halok bo‘lgani taxmin qilinmoqda.

15 oydan beri davom etayotgan qarama-qarshilik oqibatida 46 ming nafar falastinlik va 1500 ga yaqin isroillik halok bo‘ldi. Mojaro Livan va Yamanga tarqaldi va Isroil va Eron o‘rtasida raketa almashinuviga sabab bo‘ldi.