Afg‘onistondagi yagona ayollar radiosi faoliyati to‘xtatildi

Radio ayollar uchun sog‘liq, psixologiya va ma’naviyat dasturlari, shu bilan bir qatorda kuniga olti soatdan darslarni efirga uzatib kelgan. Ular hech qanday siyosiy faoliyat bilan shug‘ullanmasligi, faqat afg‘on xotin-qizlariga ta’lim berish niyatida bo‘lganlarini ta’kidlashgan.

Tolibon radioni «efir siyosatini buzish» va «chet el kanaliga ruxsatsiz kontent taqdim etish» ayblovlari bilan yopdi. Radioga hujum chog‘ida xodimlarning kompyuterlari, hujjat va telefonlari musodara qilindi, ikki erkak xodim hibsga olindi.

«Chegara bilmas muxbirlar» tashkiloti bu qarorni qoralab, radio faoliyatini qayta tiklashni talab qilgan.