Ronaldu o‘zini Pele, Maradona va Messidan ko‘ra mukammalroq deb ta’rifladi

«Men futbol tarixidagi eng yaxshi futbolchiman. Muxlislarga Messi, Pele yoki Maradona kabi futbolchilar yoqishi mumkin va men buni to‘g‘ri tushunaman hamda hurmat qilaman. Lekin men ularga qaraganda mukammalroqman. Bosh bilan zarba yo‘llay olish, jarima zarbalarini golga aylantira olishda menga yetadiganini ko‘rmadim», — deydi Ronaldu.

«Madridda ko‘p narsaga erishdim. Muxlislar buni doim xursand bo‘lib eslashadi. 2018 yilda Yuventusga o‘tishni xohlaganimda Peres meni olib qolishga harakat qildi. Lekin men Yuventusga va’da berib qo‘yganim uchun qarorni o‘zgartirolmasdim» — deydi futbolchi.

«Bellingem menga Zidanni eslatadi. Uning kelajagi ham Zidanniki kabi porloq bo‘lishiga ishonaman. O‘g‘lim Matteo Jud, Kamavinga va Mbappega muxlislik qiladi», — deb qo‘shimcha qiladi u.