Parijning Luvr muzeyida saqlanayotgan Leonardo da Vinchining mashhur “Mona Liza” asari boshqa xonaga ko‘chiriladi. Bu haqida Fransiya prezidenti Emmanuel Makron muzeyda so‘zlagan nutqida ma’lum qildi.
Prezidentning ta’kidlashicha, rasm muzeyning asosiy qismlaridan alohida joylashgan maxsus joyga ko‘chiriladi. Yangi xona mustaqil kirish chiptasi va tashrif buyuruvchilar uchun qulayroq sharoitlar bilan ta’minlanadi.
Bu qaror “Mona Liza”ning o‘ziga xos maqomiga mos kelishi va uning tomosha qilinishini yanada qulaylashtirish uchun qabul qilingan.
Shuningdek, Makron Luvrning rekonstruksiya va kengaytirilishini e’lon qildi. U yangi tantanali kirish eshigi barpo etilishini, bu esa muzey tashrif buyuruvchilarining oqimini muvozanatlashtirish hamda parijliklarga qulaylik yaratishini aytdi.
.webp&w=3840&q=75)
