Space X kompaniyasining yettinchi Starship kemasi sinov paytida portlab ketdi. Halokatga "kislorod yoki yoqilg‘i sizib chiqishi" sabab bo‘lganligi taxmin qilinmoqda.
Starship raketasi Texasdan uchirilganidan bir necha daqiqa o‘tib fazoda parchalanib ketdi, deyiladi Ilon Maskning SpaceX kompaniyasi bayonotida.
Kompaniyaning X ijtimoiy tarmog‘ida e’lon qilgan xabariga ko‘ra, Hind okeani uzra nazorat ostida harakat qilishi kerak bo‘lgan Starship balandlikka ko‘tarilayotganda havoda portlab ketgan.
Maskning tushuntirishicha, halokatga "kislorod yoki yoqilg‘i sizib chiqishi" sabab bo‘lishi mumkin.
