Ammo tadqiqotlar sun'iy intellektga tayanib qolgan insonlarning aqliy samaradorligi 20-30 foizga kamayib ketishini isbotladi. Ya'ni sun'iy intellekt bilan ishlash sizga vaqtdan yutishga yordam berishiga qaramay, salohiyatingizga salbiy ta'sir ko'rsatadi.
Shu jihatdan qaralsa, texnologiyalar inson hayotini yengillashtirib, ko‘plab vazifalarni avtomatik bajarishga imkon bersa-da, buning oqibatida aqliy qobiliyatlar pasayayotgani haqida yangi tadqiqotlar
ma’lum qildi.
Ilmiy tadqiqotlarga qaraganda, neyrosetlar va sun’iy intellektga ko‘p vazifalarni topshirgan insonlar kelajakda miya faoliyatining pasayishiga duch kelishi mumkin.
Ushbu holat kognitiv tushish, ya’ni miyaning aqliy vazifalarni bajarishdagi samaradorligini yo‘qotishi bilan izohlanadi. Qayd etilishicha, inson qanchalik ko‘p vazifani sun’iy intellektga topshirsa, uning mustaqil ravishda fikrlash va ma’lumotni tahlil qilish qobiliyati shunchalik pasayadi. Bu jarayonni olimlar “kognitiv yukdan xalos bo‘lish” deb ataydi. Ya’ni, miya juda ko‘p dam oladi va natijada o‘zining muhim vazifalarini bajarish qobiliyatini yo‘qota boshlaydi.
Tadqiqotlar shuni ko‘rsatadiki, sun’iy intellektga tayangan insonlarda aqliy samaradorlik 20-30% ga kamayadi. Bu, ayniqsa, murakkab vazifalarni hal qilishda, strategik fikrlashda va mustaqil qarorlar qabul qilishda sezilarli bo‘ladi. Shunday bo‘lsa-da, neyrosetlardan foydalanish
Hayotimizning ko‘p sohalarida sun’iy intellekt yordamchi sifatida ko‘riladi, lekin u insonning aqliy qobiliyatini butunlay almashtira olmaydi. Shunday ekan, vazifalarni neyrosetga topshirishda doimiy ravishda o‘ylash, tahlil qilish va o‘z miyamizni mashq qilishni unutmasligimiz kerak.
Qisqasini aytganda, texnologiya inson hayotini yengillashtiradi, lekin aql tiniqligini saqlab qolish uchun unga to‘liq bog‘liq bo‘lib qolmaslik kerak. Axir “kognitiv tushish” degan atama ilmiy to‘qilgan bo‘lsa-da, uning oqibatlari juda ham achinarli bo‘lishi mumkin.
