AQSH kosmik kuchlarining birinchi missiyasi Kanaveral burnidagi kosmik stansiyadan uchirilgan Global joylashuvni aniqlash tizimining (GPS) eng yangi uchinchi avlod sun’iy yo‘ldoshi bo‘ldi, deb xabar beradi Spaceflight Now.
«Lockheed Martin» ishlab chikaruvchi kompaniyasining ma’lum qilishicha, «GPS 3 SV- 07» sun’iy yo‘ldoshi Denver ishga tushirish markazidan ishlashda davom etadi va 31 sun’iy yo‘ldoshli GPS guruhiga qo‘shiladi.
— Barcha GPS III kosmik kemalari, shu jumladan SV07 M-kod bilan jihozlangan. M-kod - bu to‘siq va spufingaga(Spoofing – almashtirish) qarshilikni yaxshilash hamda AQSH va ittifoqchi kuchlar uchun harbiy GPS signallariga xavfsiz kirishni oshirish uchun mo‘ljallangan takomillashtirilgan yangi signal. GPS III kosmik kemasi GPS II kosmik kemasiga qaraganda sakkiz baravargacha to‘siqlarga qarshi salohiyatga, - deyiladi «Lockheed Martin» bayonotida.
GPS III sun’iy yo‘ldoshlarining xizmat qilish muddati taxminan 15 yil. Ushbu kosmik kemalar seriyasi mashhur tadqiqotchilar va kashshoflar sharafiga nomlangan. Shunday qilib, «SV-07» kosmosdagi birinchi amerikalik ayol sharafiga «Salli Rayd» nomini oldi.
