O‘quvchi-talabalarga yangi yilni nishonlash taqiqlandi

Unga ko'ra talabalar va o‘quvchilar bayram arafasida turli kafe, restoran yoki boshqa joylarda yig‘ilib, ziyofat uyushtirishi mumkin emas. Bu haqida o'quv muassasalari ulardan tilxat yozdirib olgan.

Ma'lum qilinishicha, ayrim talabalarga yangi yilni  nishonlasa, o'qishdan chetlashtirish bilan tahdid qilingan.

Shuningdek, talabalarga alohida to'planib ziyofat qilish taqiqlangani, ammo davlatning rasmiy bayram kechalarida qatnashishlari talab qilingani ta'kidlandi.

Ma'lumot uchun: Turkmanistonning oldingi rahbari Gurbanguli Berdimuhammedov davrida bu kabi ziyofat va bayramlar taqiqlanmagan edi. Uning o'g'li Serdar Berdimuhammedov prezident bo'lganidan keyin shu kabi cheklovlar joriy etila boshlangan.