Rossiyada 11,8 million kishi yashash minimumidan past daromad bilan yashaydi, bu joriy yilning uchinchi choragida oyiga 15 ming 679 rublni (taxminan 140 yevro) tashkil etadi. Bu maʼlumotni Rossiya statistika departamenti eʼlon qildi.
Departamentning taʼkidlashicha, 2024-yilning yanvar-sentyabr oylarida daromadi kambagʻallik chegarasidan past boʻlgan rossiyaliklar soni 2023-yilning shu oylariga nisbatan 2 million kishiga, yaʼni 14,6 milliondan 12,6 million nafarga kamaygan.
The Insider nashri ushbu maʼlumotlarni tahlil qilar ekan, taqdim etilgan raqamlar “Rosstat”ning manipulyatsiyasi ekani, yaʼni maʼlumotlar kamaytirib koʻrsatilayotganini taʼkidlagan. Nashrning hisob-kitobiga koʻra, Rossiyada 2023-yil oxirida rasmiylar aytganidan koʻproq (14,6 dan 18 mln gacha) kambagʻallar bor.
.webp&w=3840&q=75)
