Milliy ma’lumotlar boshqarmasi tomonidan e’lon qilingan ma’lumotlar infratuzilmasini qurish bo‘yicha direktiva loyihasida Xitoy 5G tarmog‘ini 5G-A standartiga ko‘tarish va 6G bilan bog‘liq tadqiqot, ishlanmalar va innovatsiyalarni har tomonlama rag‘batlantirishni nazarda tutadi.
5G-A tarmog‘i tezligi, kechikishi, ulanish ko‘lami va quvvat sarfi bo‘yicha joriy 5G tarmog‘idan o‘zib ketadi, uning maksimal ma’lumotlarni uzatish tezligi yuklab olish uchun 10 Gbit / s ga va yuklash uchun 1 Gbit / s ga yetadi, kechikish vaqti millisekundlarda va internetga ulanishi minimal mablag‘ bilan amalga oshiriladi.
Shu bilan birga, Xitoy xalqaro suv osti va yer usti kabel axborot kanallarini kengaytirish, shuningdek, kosmik va yer usti aloqalarini birlashtirgan sun’iy yo‘ldosh internetini yaratishni rejalashtirmoqda.
Avvalroq Xitoyning Nankin, Uxan, Sindao, Shenchjen, Suchjou, Shanxay, Ninbo, Guanchjou, Shenyan va Chendu shaharlarida 5G+ sanoat internet texnologiyalarini joriy etish bo‘yicha tajriba dasturi ishga tushirilgani ma’lum bo‘lgan edi. Bu shaharlar 5G asosida sanoat klasterlari va innovatsion ekotizimlarni rivojlantirishga e’tibor qaratadi.
Eslatib o‘tamiz, Xitoyda 5G tarmog‘idan foydalanuvchilarning soni 1 milliarddan oshgani haqida xabar bergan edik.
