Endi O‘zbekistonda o‘ziga begona bo‘lgan shaxslar uchun xayriya yig‘ish taqiqlanadi.
Bu bo‘yicha qonun loyihasi Oliy Majlis Qonunchilik palatasi deputatlari tomonidan qabul qilindi. Qonunga ko‘ra, endi ko‘ngilli sifatida homiylik xayriyalarini yig‘ishning aniq tartibi belgilanadi.
Jismoniy shaxslar faqat o‘zi yoki yaqin qarindoshi uchun xayriya mablag‘larini yig‘ishi mumkin bo‘ladi. Ko‘ngillilar esa o‘ziga begona bo‘lgan shaxslar uchun xayriya yig‘ishda faqat e’lon berish bilan ko‘maklashishi mumkin, ya’ni ular endi pul mablag‘larini o‘z bilganicha yig‘a olmaydilar
Bizga ma’lum xayriyalar turli shakllarda yig‘ilar edi. Agar xayriya mol-mulk shaklida yig‘ilsa, qabul qilib olingan mol-mulk ro‘yxati shakllantiriladi hamda uning turi, miqdori ko‘rsatilgan holda dalolatnoma tuziladi.
Agar xayriya naqd pul shaklida bo‘lsa, faqat xayriya qutisi yordamida yoki homiylik tashkilotlari, homiylikni amalga oshiruvchi yoki oluvchi yuridik shaxslarning bank hisobvaraqlariga pul o‘tkazish yo‘li bilan amalga oshiriladi.
