Markaziy bank 2024-yilning 9 oyi uchun O‘zbekiston Respublikasi to‘lov balansi, xalqaro investitsiyaviy mavqei va tashqi qarzi bo‘yicha qisqacha sharh va statistik jadvallar taqdim etdi.
Hisobot davri yakuniga ko‘ra, umumiy tashqi qarz hajmi 60,2 mlrd dollarni tashkil qilib, shundan davlat tashqi qarzi hajmi qariyb 32,5 mlrd dollar hamda korporativ tashqi qarz hajmi 27,7 mlrd dollarga teng bo‘ldi.
Ma’lumot uchun yil boshidan buyon umumiy tashqi qarz hajmi 7,2 mlrd dollarga oshgan. 2023-yil yakunlariga ko‘ra, umumiy tashqi qarz hajmi 53 mlrd. dollarni tashkil qilib, davlat tashqi qarzi hajmi 29,7 mlrd. dollar hamda korporativ tashqi qarz hajmi 23,3 mlrd. dollardan iborat edi.
