Toshkentga to‘rt vagonli uchta yangi metro poyezdlari olib kelindi, deb xabar berdi Toshkent metropoliteni Axborot xizmati.
Yo‘nalishlardagi vaqt intervallarini yanada qisqartirish maqsadida, ushbu poyezdlar belgilangan yo‘riqnomaga asosan, 9-10 kun davomida texnik sinovdan o‘tkazilib, so‘ngra yo‘lovchilarga xizmat qilishi uchun yo‘nalishlarga chiqariladi.
Ta’kidlanishicha, 2025 yil yanvar-fevral oylarida yana 6 ta metro poyezdi olib kelinishi rejalangan.
Bu rejaviy ishlar natijasida, metro vagon parklarini yangilash va belgilangan vaqt intervallarini yanada qisqartishga erishish maqsad qilingan.
