Ana shunday sharoitda Xitoyning BYD kompaniyasining ko‘rsatkichlari tobora ortib, dunyodagi elektromobil ishlab chiqaruvchi eng yirik kompaniyalardan biriga aylandi.
2023-yil yakunlarida e'lon qilingan statistikalarga ko‘ra, Tesla kompaniyasi yil davomida 1,8 mln dona elektromobil sotib, birinchi o‘rinni egallagan. Xitoyning BYD kompaniyasi esa 2023-yilda 1,6 mln dona elektromobil sotgan.
Bozor kapitalizatsiyasi bo‘yicha BYD 79,3 mlrd dollar (boshqa manbalarda 91 mlrd dollardan oshiqroq ko‘rsatilgan) bilan Xitoyda birinchi o‘rinda, dunyoda esa uchinchi o‘rinda turadi. Birinchi o‘rinda Tesla joylashgan – uning bozor kapitalizatsiyasi 761,5 mlrd dollar. Ikkinchi o‘rinda Toyota – 248,2 mlrd dollar.
Biroq turli mutaxassislar yaqin bir necha yilda BYD bozor kapitalizatsiyasi bo‘yicha Toyotaʼga yetib olishi mumkinligini taxmin qilishmoqda.
Bunga sabab esa BYD bu kabi yirik raqobat maydonida o'zining sifatli, ishonchli va qulay avtomobillari, raqobatbardosh narxlari bilan xaridorlari sonini oshirib bormoqda.
Shundan kelib chiqqan holda mutaxassislar Xitoy kompaniyasi joriy 2024-yilda elektromobillar sotish bo‘yicha Teslaʼni ortda qoldirishini va dunyoda birinchi o‘ringa chiqishini taxmin qilishmoqda.
