Holat bo‘yicha viloyat Favqulodda vaziyatlar boshqarmasi rasmiy ma’lumot berdi.
Unga ko‘ra, shu yilning 26-fevral kuni soat 20:10 larda Andijon shahar Nayman ko‘chasida joylashgan Tadbirkorlik sub’yektiga tegishli bo‘lgan savdo do‘konida yong‘in bo‘layotganligi to‘g‘risida viloyati FVBga xabar kelib tushgan.
Kelib tushgan xabarga asosan yong‘in qutqaruv ekipaji soat 20:12 da aytilgan manzilga yetib borgan va yong‘in soat 20:35 da batamom o‘chirilgan.
Ma’lumotlarga ko‘ra, yong‘in oqibatida savdo do‘konining 80 m.kv maydonda shift tom qismi va savdo do‘koni ichidagi buyumlari yonib zararlangan.
Yong‘in oqibatida tan jarohat olganlar yo‘q.
Hozirda yong‘inning kelib chiqish omillari va moddiy zarar miqdori aniqlanmoqda.
