Bugun 6 ta viloyatda yomg‘ir yog‘ishi prognoz qilindi. Unga ko‘ra, harorat 20 darajagacha ko‘tariladi.
Foto: Darakchi.uz
Bugun kunduzi yog‘ingarchilik kutilmaydi, faqat Qoraqalpog‘iston Respublikasida ba’zi joylarda yog‘ingarchilik (yomg‘ir, qor) bo‘ladi, Xorazm, Buxoro, Navoiy viloyatlarida ba’zi joylarda yomg‘ir yog‘adi, Samarqand, Qashqadaryo viloyatlarida kechga tomon ba’zi joylarda yomg‘ir yog‘ishi mumkin. Shamol 9-14 m/s tezlikda esadi. Harorat 17-22° iliq, shimolda 2-7° bo‘ladi.
Poytaxtimizda yog‘ingarchilik kutilmaydi. Shamol 3-8 m/s tezlikda esadi. Harorat 18-20° iliq bo‘ladi.
Tog‘ oldi va tog‘li hududlarda ba’zi joylarda yog‘ingarchilik (yomg‘ir, qor) bo‘ladi. Ayrim joylariga tuman tushishi mumkin. Shamol 7-12 m/s tezlikda esadi. Harorat 7-12° iliq bo‘ladi.
