Tomorqasini qarovsiz qoldirganlar ko‘proq soliq to‘laydi
19.02.2025 12:05
Tomorqasini qarovsiz qoldirgan xonadon egalari uch karra yuqori soliq to‘laydi.
“Tomorqa yer egalari va dehqon xo‘jaliklari faoliyatida zamonaviy tashkiliy tizimni joriy qilish va moliyaviy qo‘llab-quvvatlashning qo‘shimcha chora-tadbirlari to‘g‘risida”gi Prezident Farmoni (PF-22-son, 14.02.2025-son) qabul qilindi.
Aholi tomorqasi va ijaraga berilgan yer maydonlaridan samarali foydalanish bo‘yicha hokim yordamchisi tomonidan har chorakda o‘rganish olib boriladi.
O‘rganish davomida xonadondagi tomorqa va ijara yerlarida ekin ekilmagan va qarovsiz qoldirilgan bo‘lsa quyidagi choralar qo‘llaniladi.
Imtiyozli kreditlar ajratilmaydi.
Ijtimoiy himoya yagona reyestriga kiritilgan fuqarolar uchun yordamlar (moddiy yordam yoki bola puli kabi) to‘xtatiladi.
Yer solig‘i uch karra yuqori miqdorda hisoblanadi.
