Ertaga kuchli bo‘lmagan yong‘ingarchilik kutilmoqda
15.02.2025 16:17
Sinoptiklar shanba va yakshanba kunlari kuzatiladigan ob-havo haqida ma’lumot berdi.
O‘zbekistonning ko‘pchilik hududlarida (Qoraqalpog‘iston va Xorazm viloyatining shimoli-g‘arbiy hududlaridan tashqari) yakshanba kuni yomg‘ir va qor ko‘rinishidagi yog‘ingarchilik bo‘ladi.
Yakshanba kuni kunduzgi harorat 3-6 daraja iliqqacha pasayadi. Harorat asosan kechalari 0-5 daraja iliq bo‘ladi.
Sharqiy shamol yo‘nalishini o‘zgartirib, g‘arbdan 7-12 m/s tezlikda esadi, 16 fevral – yakshanba kuni ayrim joylarda 13-18 m/s gacha kuchayadi.
Respublika bo‘yicha ba’zi joylarga tuman tushishi mumkin.
Toshkentda 16 fevralda vaqti-vaqti bilan yog‘ingarchilik (yomg‘ir, qor) bo‘ladi.
Sharqiy shamol yo‘nalishini o‘zgartirib, g‘arbdan 3-8 m/s tezlikda esadi. Harorat 3-6 daraja iliqqacha pasayadi va asosan kechalari 0-3 daraja iliq bo‘ladi. Kechasi va ertalab tuman tushishi mumkin.
