O‘zbekistonda AES qurish bo‘yicha xalqaro konsorsium tuziladi
12.02.2025 07:43
O‘zbekistonda quriladigan kam quvvatli atom elektr stansiyasi qurilishida xorijiy kompaniyalar ham ishtirok etadi.
«O'zbekiston 24» telekanaliga intervyu bergan O‘zbekiston Atom energetikasini rivojlantirish agentligi direktori Azim Ahmadxo‘jayevning aytishicha, loyihada Xitoy texnologiyalari va Yevropaning raqamli dasturlari va apparat tizimlari Rossiya bilan birgalikda qo‘llaniladi.
Bundan tashqari, stansiya uchun zarur bo‘lgan suv miqdorini kamaytirish maqsadida Vengriya yoki Xitoyda quriladigan “quruq sovutish tizimi”dan foydalanish rejalashtirilgan.
“Loyihani ilg‘or texnologiyalardan foydalangan holda samarali amalga oshirish imkonini beruvchi xalqaro konsorsium tuzamiz”, – dedi Azim Ahmadxo‘jayev.
