To‘liq ta’mirlangan xonadonlar bo‘yicha esa 1 va 3 xonali uylar uchun o‘rtacha ijara narxi 0,5 foizga, 2 xonali uylar uchun esa 0,7 foizga kamaygan. Shu bilan birga, 4 xonali xonadonlarning narxi biroz ko‘tarilib, 0,5 foizga oshgani
qayd etildi.
Yanvar oyidagi ma’lumotlarga ko‘ra, o‘rtacha ta’mirlangan xonadonlar uchun eng arzon ijara narxlari Sergeli va Olmazor tumanlarida qayd etilgan. Sergelida 1 xonali kvartira uchun o‘rtacha 297 AQSh dollari, 2 xonali uchun 355 AQSh dollari, 3 xonali uchun 415 AQSh dollari, 4 xonali uchun esa 419 AQSh dollari to‘lash talab etiladi. Olmazorda esa 1 xonali uy uchun o‘rtacha 293 AQSh dollari, 2 xonali uchun 352 AQSh dollari, 3 xonali uchun 419 AQSh dollari, 4 xonali uchun esa 493 AQSh dollari miqdorida ijara narxlari belgilangan.
To‘liq ta’mirlangan uylar orasida eng qulay narxlar Sergeli va Uchtepa tumanlarida kuzatilgan. Sergelida 1 xonali uy uchun o‘rtacha 321 AQSh dollari, 2 xonali uchun 417 AQSh dollari, 3 xonali uchun 513 AQSh dollari, 4 xonali uchun esa 641 AQSh dollari miqdorida ijara to‘lovi taklif etilgan. Uchtepa tumanida esa 1 xonali uy ijarasi o‘rtacha 386 AQSh dollari, 2 xonali uchun 450 AQSh dollari, 3 xonali uchun 534 AQSh dollari, 4 xonali uchun esa 624 AQSh dollari atrofida bo‘lib, bu boshqa tumanlarga qaraganda nisbatan arzon hisoblanadi.
Mirobod va Yakkasaroy tumanlarida o‘rtacha ta’mirlangan xonadonlar uchun ijara narxlari ancha yuqori ekani qayd etilgan. Mirobodda 1 xonali uy ijarasi o‘rtacha 344 AQSh dollari, 2 xonali uchun 512 AQSh dollari, 3 xonali uchun 643 AQSh dollari, 4 xonali uchun esa 705 AQSh dollariga baholangan. Yakkasaroy tumanida esa 1 xonali uylar uchun o‘rtacha ijara 383 AQSh dollari, 2 xonali uchun 487 AQSh dollari, 3 xonali uchun 677 AQSh dollari, 4 xonali uylar uchun esa 722 AQSh dollari miqdorida belgilangan.
To‘liq ta’mirlangan uy-joylar orasida eng qimmat ijaralar Mirobod va Shayxontohur tumanlarida qayd etilgan. Mirobod tumanida 1 xonali xonadonlar uchun o‘rtacha ijara 485 AQSh dollari, 2 xonali uchun 731 AQSh dollari, 3 xonali uchun 1027 AQSh dollari, 4 xonali xonadonlar uchun esa 1328 AQSh dollari atrofida bo‘lib, bu poytaxtdagi eng qimmat variantlardan biri hisoblanadi. Shayxontohur tumanida esa 1 xonali xonadonlar 521 AQSh dollari, 2 xonali 732 AQSh dollari, 3 xonali 1093 AQSh dollari, 4 xonali esa 1381 AQSh dollari miqdorida ijara bahosiga ega bo‘lib, bu hududning yuqori toifadagi uy-joy bozoridan dalolat beradi.
