O‘zbekiston kartoshka importiga qaramlikdan xalos bo‘lmoqchi
02.02.2025 11:19
O‘zbekiston Prezidenti Shavkat Mirziyoyev fermerlarni qo‘llab-quvvatlash masalalari muhokama etilgan kengashda mutasaddi tashkilotlarga shunday topshiriq berdi. Hozirgi vaqtda respublika ehtiyojni import hisobiga qoplamoqda.
O‘zbekistonda 290 ming gektar maydonda kartoshka yetishtiriladi. Biroq fermerlar yuqori hosil olishga qodir emas. Shu munosabat bilan Shavkat Mirziyoyev mahalliy iqlimga mos kartoshka navlarini yetishtirish bo‘yicha ko‘rsatmalar berdi.
Kengash yakunlari bo‘yicha ma’lum bo‘lishicha, joriy yilda Qishloq xo‘jaligini qo‘llab-quvvatlash jamg‘armasi tomonidan kartoshka maydonlarini kengaytirish uchun 400 milliard so‘m (30,8 million dollarga yaqin) mablag‘ ajratish rejalashtirilgan. Bundan tashqari, xorijdan keltirilgan urug‘lik kartoshka 3 yil muddatga bojxona to‘lovidan ozod qilingan.
Eslatib o‘tamiz, o‘tgan yilning 11 oyida O‘zbekiston 52,6 million dollarlik 627 ming tonna kartoshka import qilgan.
