2017-2021-yillarda Inomjon Majidov vazir sifatida faoliyat yuritdi. Hozirda u O‘zbekiston Milliy universiteti rektori hisoblanadi.
2021-2022-yillarda Abduqodir Toshqulov oliy ta’lim tizimini boshqardi. Hozirda u Termiz davlat universiteti rektori.
2022-2023-yillarda Ibrohim Abdurahmonov vazir bo‘ldi. O‘sha damlarda vazirlik nomi Oliy ta’lim, fan va innovatsiyalar vazirligi deb qayta nomlandi hamda tizimda bir qancha o‘zgarishlar yuz berdi. Hozirda u qishloq xo‘jaligi vaziri sifatida ishlamoqda.
2024-yildan hozirgacha esa Qo‘ng‘irotboy Sharipov oliy ta’lim, fan va innovatsiyalar vaziri sifatida faoliyat yuritib kelmoqda.
Bu yillar orasida vazir o‘rinbosarlar ham tez-tez yangilandi. Ammo 2018-yildan beri o‘z joyini mustahkam saqlab qolayotgan o‘rinbosar bor – Sarvarxon Buzrukxonov.
Oliy ta’lim vazirligi tizimida eng uzoq ishlayotgan rahbar – Sarvarxon Buzrukxonov. U 2018-yildan beri Oliy ta’lim, fan va innovatsiyalar vazirining o‘rinbosari lavozimida faoliyat yuritib kelmoqda. Buzrukxonov, shuningdek, 12 yil davomida Oliy va oʻrta maxsus taʼlim vazirligi moliyalashtirish va buxgalteriya hisobi boshqarmasi boshlig‘i sifatida ishlagan. Shunday qilib, tizimda ishlagan umumiy yillari 19 yildan oshdi.
