Amerikalik taniqli xonanda Selena Gomez prodyuser va qo‘shiqchi Benni Blanko bilan unashtirildi.
Bu haqda 32 yoshli Gomez o'zining instagram sahifasida post joyladi. Izohlarda esa kuzatuvchilar bilan bir qatorda taniqli shaxslar, xususan, Teylor Svift ham juftlikka baxt tilagan.
Instagramda eng ko'p kuzatuvchilarga ega ayol hisoblanadigan Selena Gomez (423 million obunachi) prodyuser Blanko bilan 2019-yilda "I Can't Get Enough" va 2023-yilda "Single Soon" qo'shiqlarida hamkorlik qilgandi.
Ma'lumot uchun: Bloomberg nashri sentyabr oyida Selena Gomezni milliarderlar qatoriga qo'shgandi. Unga ko'ra, qo'shiqchi va aktrisa 1,3 milliard dollar boylikka ega.
