Moldova prezidentining aytishicha, yakshanba kungi referendum, byulletenlarning 58 foizi sanab bo‘linganidan keyin, asosan, saylovchilarning o‘zaro kelishib olgani sabab bo‘lgan. Shundan so‘ng protokollarning 98,11 foizi hisoblab chiqilib, Yevropa integratsiyasi tarafdorlari va muxoliflarining tengligi e’lon qilindi. Byulletenlarning 100 foizi qayta ishlangach, Yevropa integratsiyasi tarafdorlari g‘alaba qozongani ma’lum bo‘ldi.
Moldova prezidenti Mayya Sandu yakshanba kungi referendumni saylovchilarni sotib olishda ayblab, bu “erkinlik va demokratiyaga misli ko‘rilmagan hujum” ekanini aytdi. Davlat rahbarining so‘zlariga ko‘ra, “jinoiy guruhlar” 300 ming ovozni sotib olgan – bu ro‘yxatga olingan barcha saylovchilarning 10 foizi.
“Ba’zilar ovozlarini sotishdi. Har qanday demokratik davlatda odamlarning qarashlari turlicha bo‘lishi odatiy holdir. Ammo jinoiy guruhlarning saylovchilarni sotib olishi odatiy hol emas. Men jinoiy guruhlarni moldovalik saylovchilarning ovozini sotib olish uchun harom pul ishlatganlikda ayblayman”, — dedi Mayya Sandu.
Mayya Sandu bu jinoiy guruhlarning aniq kimligini aytmadi. Moldova muxolifati Mayya Sandu o‘z so‘zlari uchun dalil keltirmaganini aytdi. YEXHT xalqaro kuzatuvchilari esa, o‘z navbatida, saylov uchastkalarida ovozlarni o‘g‘irlash holatlari qayd etilmaganini, biroq “manipulyativ aralashuv”, yolg‘on axborot kampaniyalari va siyosiy kuchlarning noqonuniy moliyalashtirilishi haqida turli faktlar borligini ta’kidladi.
.jpg&w=3840&q=75)
