Bojxona qoʻmitasi xabariga koʻra, 2024-yil yanvar-sentyabr oyida benzinda harakatlanuvchi avtomobillar importi 28% ga kamaygan.
Qayd etilishicha, yengil avtomobillar 2023-yilda 55 ming 550 dona import qilingan boʻlsa, joriy yilda 54 ming 287 dona mamlakatga olib kirilgan. Bu oʻtgan yilning mos davriga koʻra, 1263 taga kam.
Benzinda harakatlanuvchi yengil avtomobillar joriy yilda 26 ming 246 dona import qilingan. Bu oʻtgan yilning mos davriga solishtirganda 10 ming 252 taga kam.
Benzin va elektrda (gibrid) harakatlanuvchi yengil avtomobillar importi joriy yilda 11 ming 425 dona import qilingan boʻlsa, bu oʻtgan yilning mos davriga nisbatan 49 foizga (3 ming 775 ta) ortgan.
Elektrda harakatlanuvchi yengil avtomobillar importi ham ortgan. Joriy yilda 16 ming 209 dona elektromobil import qilingan boʻlib, bu oʻtgan yilgidan 48 foizga (5 ming 292 ta) koʻp.
Raqamlarga qaralsa, dizelda harakatlanuvchi yengil avtomobillar soni keskin qisqargan. Masalan, oʻtgan 2023-yilda 86 dona avtomashina import qilingan boʻlsa, joriy yilda bu raqam 11 taga tushgan.
